Transcription
1
Monseigneur
2
Monseigneur de Gordes, chevalier de lordre du roy
3
et son lieutenant general au païs de Daulphiné en
4
labsence de monseigneur le prince daulphin
5
supplie humblement damoiselle Justine de Saillans, vefve au feu
6
seigneur de Cheissan, comme suivant certaine tailhe par forme denprunpt
7
sur les aisés du vingtroysième octobre dernier (comme lon dict) arrestée
8
par la cité de Valence, elle qui est absente, seroyt travailhée en
9
la personne de son procureur et negotiateur pour payer promptement
10
la somme de quarante deux livres en qualité daisée.
11
Toutesfois, ilz ne considèrent que ladite damoiselle est noble
12
et exempté de telle contribution ; ne considèrent que ladite
13
damoiselle ne peult estre cencée au rang des bien aisez.
14
Daultant quelle est vefve et pourtant tenue entre les personnes
15
dignes de misericorde quon appelle miserables en termes de droict ;
16
daultant aussy quelle est conctraincte ez long temps à grandz
17
fraiz et despens estre hors de sa maison à la poursuite de
18
ses procès en la cité de Grenoble ; daultant aussy que des
19
troys mois en ça ou environ, elle est affligée de maladie
20
griefve à grandz fraiz et despens en la cité de Grenoble,
21
tout cela sont choses notoires.
22
[231 v°] Vous plaise monseigneur, ce considéré, inhiber ausdits consulz toute
23
exaction en cas dopposition, les inhibitions tenans et autrement pourveoir
24
de remède convenable.
25
Justine de Saillans